Оставки и одговорност нема

Објавил: admin@magazin | 15 април, 2019 9:19

Ако не „името“, морбилите и смртните случаи ќе ѝ пресудат на актуелната власт

Фото/Текст извор: ©магазин.мк

Мртвороденче, 30 мртви од „морбили“ , бремени жени се тресат во исчекување, незадоволни родители, неуспех да и се стави крај на епидемијата на малите сипаници во повеќе македонски градови – ова е актуелната слика во Македонија, со која власта очигледно лошо се справува.

Додека граѓаните се во паника и недоумица, кај нас, во полн ек е кампањата за Претседателски избори 2019, како ништо да не се случило, како тие жртви да се само сататистика, а не најмилото нешто кое „затвори“ порти на многу македонски семејства.

На Инфективна клиника во моментов на болничко лекување се две бремени жени со морбили, од кои едната е во 9-ти месец, пред породување. Покрај нив хоспитализирани се уште 42 пациенти со ова заразно заболување.

Ако „бомбите“ и пресудија на претходната власт, дали „морбилите“ ќе и пресудат на актуелната? Засега нема оставки, нема морална одговорност, а веќе наголемо газиме во 21 век. Наместо да ги чекаме плодовите од ветувањата, чекаме дали утре Владата ќе прогласи епидемија на „морбили“ во целата земја.

Епидемијата која се прошири во Скопје, Тетово, Гостивар, Куманово, Гевгелија, Штип, Кичево и Прилеп во моментов има зафатено над 1.000 заболени со оваа опасна заразна болест. Информацијата дека бремена жена, заболена од морбили го загуби бебето во шестиот месец од бременоста, посебно ја потресе јавноста и јави соммнеж и страв кај трудниците и скоро породените жени.

Се очекува бројот на пациенти да расте, а тоа го покажуваат и бројките од Институтот за јавно здравје, кои заклучно со денеска регистрирале 138 нови случаи со морбили во изминативе 8 дена.

Дел од новозаразените се медицински сестри или лекари, што дополнително го намалува капацитетот на болниците да се борат со ширењето на оваа опасна епидемија.

Оваа недела Филипче и премиерот Заев ќе имаат специјална средба на оваа тема со Комисијата за заразни болести и се очекува да прогласат епидемија во цела држава. Според изворот од министерството за здравство, се очекува да предложат порадикални мерки како времено затворање на дел од градинките во Скопје, Тетово и Куманово, затворање на повеќе игротеките, делумно затворање на кинотеки, локали и спортски сали, се додека епидемијата заразува се поголем број на граѓани и нанесува големи човечки и финансиски загуби за државата и засегнатите семејства.

Ресорниот министер барем јавно не понуди оставка ниту морална одговорност а вината како и секогаш е префрлена на „неспособноста“ на претходниците. Во случајов претходници се Никола Тодоров кој и „покажа“ непослушност на својата матична партија ВМРО-ДПМНЕ и актуениот вицепремиер и коалиционер во сегашната Влада, Бујар Османи.

Речиси две години власт, а недежта за подобро утре е бледа. Ново име, нови називи на институции, нови ветувања, нови учебници, бетер здрвство, бледо образование, правна држава е утопија, нема датум за преговори со ЕУ, пораснале само старите маки на граѓаните и одат во недоглед.

Уште се чека нормална плата, уште се чека стабилна економија а меѓународната заедница се чини како да се навикна да ја „вози“ оваа напатена грутка земја во која народот стана бескрајно нетрпелив, депресивен и зависен од седативи.

Се чека, тука само се чека….. ја претворивте Македонија во една голема чекалница !!!

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

МВР нема обврска да знае каде се граѓаните на државата во кој било момент, освен ако има налог од надлежен обвинител

ОД КАТИЦА ЈАНЕВА НИ ТРАГА НИ ГЛАС: Оливер Спасовски и МВР не знаат каде е Јанева!

Министерот за внатрешни работи Оливер Спасовски изјави дека ако се тргне од овој принцип...

Александар Кирацоски изјави дека не знае кој пратеник стои зад псевдонимот Кики, а за Коки мисли дека е Боки 13.

ГЕРОСКИ ДО КИРАЦОСКИ: „Си пишувам разно разни глупости, оти немам попаметна работа„

Пратеникот Александар Кирацоски од СДСМ вчера изјави дека не знае кој пратеник стои...

На социјалните мрежи се шири видео од улицата во која е куќата каде престојува таа. Може да се забежат автомобили со гевгелиски таблички паркирани пред влезната врата.

ПОНАДА ЗА БОЛНАТА КАТА: Гевгеличани дојдоа во Скопје да и се најдат на Катица Јанева

Урнебесни фотографии и видеа се појавуваат на социјалните мрежи на тема Катица Јанева. На...

„Предлогот на Зоран Заев за Вилма Рускоска да раководи со новото Обвинителство или како што ја нарече нов Специјален јавен обвинител е потврда на спрегата меѓу СДСМ, неа и институцијата.

ВМРО-ДПМНЕ ОБВИНУВА: “Вилма Рускоска е личен избор на премиерот Зоран Заев„

За опозициската ВМРО-ДПМНЕ предлогот Вилма Рускоска да го води новото специјално обвинителство...