Автобус на фудбалскиот клуб Ифани Уба од Нигерија беше цел на напад од криминалци. 

Во нападот како последици од куршумите беа повредени фудбалери и возачот, кои веднаш беа пренесени во болница. Сцените се вознемирувачки а фудбалерите и возачот се во критична состојба.

„Повредените лица во моментот се лекуваат и се под третман на докторите. Ние сакаме да го искористиме ова за да апелираме до Федералната влада, како и регулаторните тела на фудбалот, за понатамошно интензивирање на мерки за да се обезбеди безбедност на тимови кои честопати немаат друг избор освен да патуваат на долги растојанија“, стои во соопштението на клубот.

Фудбалерите тргнале на пат долг 822 километри од Онитша до Кано, но автобусот беше пресретнат од лица облечени во војнички униформи кои започнале неконтролирано да пукаат.

Ова не е првпат да се случи ваков немил настан. Претходно, пред пет години нападнати беа фудбалерите на Кано Пиларс.