На моменти изгледаше како Аргентинците да се пакуваат за дома, посебно откако цврстите Нигеријци оддолеваа на нападите при 1:1, пред Маркос Рохо, неколку минути откако беше „ослободен“ од вината и не беше досуден пенал по играта со рака во својот шестнаесетник, да го постигне и неговиот најзначаен гол во кариерата.

Така со резултат од 2-1, Аргентина оди понатаму. Со ист резултат, о осминафиналето оди и Хрватска која го порази Исланд и го освои првото место во групата.

Хрватска која оствари три победи од три натпревари ќе игра против Данска, Шпанија ќе се сретне со домаќинот Русија, а интересен ќе биде и дуелот меѓу Уругвај и Португалија.

Ова се четири осминафинални дуели:

1. Уругвај – Португалија

2. Франција – Аргентина

3. Шпанија – Русија

4. Хрватска – Данска