Бананата е овошје кое од ботаничко гледиште претставува бобинка. Таа е плод на неколку големи зелјести, скриеносемени, монокотиледони растенија од родот Musa. Во некои земји, бананите се користат за варење, и тогаш се нарекуваат плантани.

Ова овошје варира според величина, боја и цврстина, обично е издолжено и свиткано, со мек плод, богат со скроб и покриен со лушпа која може да биде зелена, жолта, црвена, пурпурна или кафена кај зрелите плодови.

Плодовите растат во групи кои висат од врвот на растението. Скоро сите модерни, јадливи банани се партенокарпени (безсемени) банани кои потекнуваат од два диви вида – Musa acuminata и Musa balbisiana.

Научните имиња на најчесто одгледуваните видови се: Musa acuminatа, Musa balbisiana и нивниот хибрид Musa × paradisiaca, што зависи од нивната геномска конституција. Постарото научно име, Musa sapientum, повеќе не е во употреба.

Вкусна, здрава и многу хранлива, благотворно делува и врз желудникот.

Состојки:

2 средно зрели банани
2 лажици шеќер или мед (ако користите мед, треба да го додадете кога смесата малку ќе се олади затоа што медот ги губи своите својства на високи температури.
400 мл зовриена вода
Приготвување:
Излупете ги бананите и згмечете ги со вилушка.
Додадете шеќер и добро измешајте.
Прелијте со зоврена вода, поклопете и оставете да отстои 30 минути.
Ако користите мед, го додавате на крајот кога смесата ќе се олади.

Употреба:

Секогаш загрејте ја смесата пред употреба.
Користете 4 пати дневно по 100мл.

Сојузник против акни

Испасираната банана, но и самата внатрешност на лушпата, можат да делуваат како природен антибиотик, а се борат и со воспаленијата.
За да ги искористите бананите во борбата против акните, навечер, откако ќе ја исчистите кожата на лицето, нежно протријте ги акните со внатрешноста на лушпа од банана. Измијте го лицето со млака вода следното утро.

Лек за подуеноста предизвикана од ПМС

Калиумот којшто го има во изобилство во бананите го спречува задржувањето на течности во телото, што е својствено за ПМС (предменструален синдром).
Дополнително, бананата ќе ви даде енергија и ќе ве држи сити подолго време, па ќе заборавите на желбата да се „полните“ со нездрава храна.

Намалено чешање при убод од комарец

Не ја фрлајте лушпата од бананата во лето, бидејќи може да ви го намали иритирачкото чешање предизвикано од убод од комарец.
Едноставно протријте го местото на убодот со внатрешноста на лушпа од банана. Така ќе го намалите зацрвенувањето, но и ќе исчезне потребата за чешање.