На социјалните мрежи низ Македонија започна кампања во врска со уставните измени согласно Преспанскиот договор.

Името на кампањата е “Не нарекувај ме 20%, јас сум Албанец” и има за цел во промените на Уставот да бидат додадени Албанците како посебна нација, рамноправна со Македонската, за сметка на етничките заедници, а со цел да се избегне споменувањето на население кое е “над 20 отсто”.

Кампањата ја водат активисти на БЕСА и Алијанса за Албанците а поддршка добиваат од сите припадници на абанското етничко малцинство во Македонија.

ДУИ официјално нема изразено поддршка за истата иако бројни нејзини активисти но и фукнционери ја поддржуваат.

Со кампањата се бара без исклучот, сите албански партии да дадат свој придонес и преку амандман да преложат Собранието на Македонија, да го замени, според нив, навредливиот термин “20 %” со конкретно именување на Албанците како народ.

Кампањата секако бара и интервенции во правата и можностите за употреба на јазикот и писмото, со што се прокламира една држава на две нации и два јазика. Тоа би се регулирало со промена на статусот “Јазикот кој го говори етничката заедница со над 20 % од популацијата” со терминот “Албански јазик”.

Иако коректно би било пред да се брише процентуалната застапеност на етничките заедници во Македонија поради кои албанскиот етникум има загарантирани образовни па и функционерски квоти во јавната и државната администрација, прво да се направи Попис на население, нешто што рекордно се одлага веќе две декади.