Амбасадорот на САД во Македонија, Џес Бејли, денес ја оствари својата последна средба на Општина Кавадарци. Тоа беше неговата последна работна средба со градоначалникот Митко Јанчев во неговиот мандат. 

Градоначалникот од општина Кавадарци Митко Јанчев за fokus.mk изјави дека, го поканил амбасадорот Бејли да дојде во Кавадарци наредната година на прославата Св. Трифун и дека тој воодушевено ја прифатил поканата. Оваа негова работна посета беше последна бидејќи наредниот месец му истекува неговиот мандат.

Како што изјави Јанчев, Белји е голем љубител на вина и тој оваа година бил поканет на традиционалната прослава, но поради тешката сообраќајна несреќа која се случи, оваа манифестација се откажа. Јанчев рече дека можно е тој со своето семејство да отпатува во Америка на гости кај амбасадорот Белји, бидејќи тие двајца имаат многу заеднички теми и интереси.

-Амбасадорот Бејли ја имаше својата последна работна посета токму во Кавадарци, пред истекот на неговиот мандат. Тој дојде да се поздравиме, но ова не е збогум и веќе договоривме наредна средба. Во повеќе наврати амбасадорот, кој е одличен познавач на доброто вино и го има пропатувано светот, ми има потенцирано дека во Тиквешијата ги имаме најдобрите вина.

Тој беше помеѓу поканетите гости за време на традиционалната прослава на празникот на лозарите и винарите, Свети Трифун, но за жал, поради автобуската несреќа настанот не се одржа. Затоа, го поканив господинот Бејли да ни дојде во Кавадарци наредната година, на прославата на Свети Трифун, а тој воодушевено ја прифати поканата и вети дека ќе не посети – изјави за Јанчев за Фокус.

-Веќе сум бил во Америка, секако планирам повторно да одам и драго ми е што амбасадорот ме покани семејно, со сопругата и децата да го посетиме. Имаме заеднички интереси и хоби, убаво е кога помеѓу соработниците ќе се роди пријателство кое ќе остане да трае.