Деновиве на социјалната мрежа Фејсбук се појави едно видео од настапот на Влатко Миладиновски кој премиерно ја испеа “Велат нѐ нема, ама еве сме”!. Влатко беше очигледно многу емотивен кога и соопшти на публиката дека оваа песна е специјално пишувана за нив, за беломорците, за Македонците кои се тука но на жалост грчките власти не ги признаваат како „Македонци„.
Интерес податок е сепак дека организаторот го најави Влатко Миладиновски прво на грчки а на македонски пак му посака само „добредојде„
Сепак кога на бината излезе Влатче и ја запеа песната , се слушаа овации во позадината, а неретко беше пуштена и по некоја солза. За магазин изјава по повод овој настан даде Коста од Лерин, кој редовно е на македонските прослави во Егејот, но и многу чест гостин во Охрид и Македонија.
Коста меѓу другото вели дека се буди свеста кај Македонците, но да не се надеваме премногу , многу голем дел од овие што играат овде мислат дека е тоа од старина, и дека така треба да биде, за нив е тоа атракција а не борба за македонизмот. Грчките власти знаат дека завршија голема работа и дека „асимилираните беломорци„ тешко ќе станат против својата држава „Грција„ па затоа и забавите се одвиваат беспрекорно, напротив тоа е и добро за грчките власти да докажат дека всушност токму ние сме правите Македонци.
Но, којзнае, воздивнува Коста, можеби сепак свеста е многу подлабока од колку што мислат Грците.
Младите македонски „грци„ не го зборуваат воопшто македонскиот јазик, и воопшто не се оптеретуваат со минатото, важно им е да има добра забава и добар живот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.