Познатиот македонски пејач со златно грло Влатко Лозаноски – Лозано кој е миленик на женската публика, реши да ја прошири својата кариера и да излезе надвор од границите на државата.
Имено пејачот на почетокот на идниот месец ќе замине на голема турнеја во Америка и Канада, а како што информираат неговите соработници Лозано ќе одржи неколку концерти во најголемите градови каде живеат Македонци. До сега интересот огромен.
Македонските иселеници во Чикаго, Колумбус, Детроит, Њу Џерси и Торонто со нетрпение ги очекуваат закажаните концерти на Лозано.
Помина само еден ден откако официјално објавивме дека Влатко има турнеја во Америка и Канада и верувајте дека мојот мобилен телефон не престанува да ѕвони. По се изгледа нашинците ќе го видат Влатко и во неколку други градови во Америка – изјави тој.
На настапите во Канада и Америка, Лозано ќе ги отпее своите најголеми хитови „Километри“, „Јако, јако“, „Мајко“, „Ова лето ќе се памети“, „Сонце не ме грее“, „Надеж“, „Не те вадам од памет“итн, а на концертот ќе биде придружуван и од неколкумина професионални музичари.
Се радувам што за првпат ќе настапувам пред многубројната македонска публика во Америка и Канада. Наназад низ годините имав доста понуди од таму, но решивме дека сега е вистинско време за една голема турнеја. Со нетрпение очекувам да дојде март и да започнат концертите. Она што е интересно, откако објавивме на социјалните мрежи дека ќе одржам неколку концерти ми пристигнаа и доста пораки од Срби, Босанци, Хрвати и Бугари кои ми кажаа дека ќе бидат дел од публиката – вели Влатко Лозаноски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.