Вечерва со 59 гласа „против“, 20 гласа „за“ и без воздржани Собранието на Република Македонија не ја изгласа поднесената интерпелација за министерот за внатрешни работи Оливер Спасовски.
Дебатата се водеше во насока на спротивставување на ставовите меѓу власта и опозицијата за квалитетот на работата на министерот Спасовски, колку тој е компетентен и одговара на предизвиците со кои се соочува во Министерството.
Неколкутемина пратеници од ВМРО-ДПМНЕ со интерпелацијата, побараа одговорност од Спасовски за несовесното, нестручното и селективното работење. Тие го обвинија минситерот дека , непрофесионалното работење на МВР довело до скандали, корупција, a како што посочија, граѓаните биле жртви на грабежи, обиди за убиства, рекетирања и насилства.
Но каде е професионалноста на пратеницитие од ВМРО-ДПМНЕ зошто само 20 пратеници, каде се останатите? Кому му служи оваа ПИНГ ПОНГ игра на опозицијата?
Вечерва пратениците од ВМРО-ДПМНЕ во текот на расправата лично го прозваа министерот Спасовски за, како што велат зголемениот број грабежи, убиства и скандали. Владејачкото мнозинство, пак, интерпелацијата ја оценија за неоснована, паушална и во функција на спречување на напредокот на државата.
Трајчо Димков од ВМРО-ДПМНЕ рече дека нема ден, а да не помине без скандал во МВР, зголемена е и корупцијата, а граѓаните не се чувствуваат безбедни. Посочи дека еден од најголемите скандали во Министерството е прислушувањето на обвинителите.
Министерот Спасовски рече дека доволно полемизирале со пратениците околу аргументите во делот на интерпелацијата. Тој и реплицираше на опозицијата дека за нив најдобро било времето кога Груевски бил на власт, и кога беспоговорно само гласале за криминалот.
Седницата по интерпелацијата на Спасовски почна денеска на пладне, во рамки на 86-та седница и завршои касно вечерва со неизгалсување на интерпелацијата.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.