“На 30 септември ќе имате можност да направите историски избор. Дали сакате да го отворите патот за членство на вашата земја во НАТО и во ЕУ со поддршка на договорот со Грција? Ние – Групата “Охрид” ве повикуваме да кажете “да”.

Но кој се тоа се “ние” и колку “тие” имаат право да се мешаат во внатрешните работи на Македонија па и да сугерираат на граѓаните на Македонја Одлука на Референдум за промена на името и националниот идентитет?

Групата “Охрид” како е најавено е неформална група што ја сочинуваат актуелни и поранешни и политичари и високи меѓународни претставници што беше формирана во април годинава за поддршка на Република Македонија на нејзиниот пат кон членство во НАТО и ЕУ – поточно од страна на министерката за одбрана Шекеринска и националниот координатор за НАТО Пендаровски.

Во групата членуваат: лорд Џорџ Робертсон поранешен генерален секретар на НАТО како нејзин претседател – Карл Билт поранешен специјален претставник на ЕУ и ОН за Балканот – Хавиер Солана поранешен генерален секретар на НАТО – Росен Плевнелиев поранешен претседател на Бугарија – Ален Ле Роа поранешен специјален претставник на ЕУ во Скопје – амбасадорот Волфганг Ишингер – претседател на Минхенската конференција за безбедност – амбасадорот Роберт Гелбард поранешен специјален пратеник на САД за Балканот – Дејмон Вилсон потпретседател на Атланстксиот совет и политичкиот аналитичар *Зоран Чичак.

*Зоран Чичак е основач на партијата Југословенска левица со која претседателствуваше Мира Марковиќ сопруга на Слободан Милошевиќ.