Министерот за здравство Венко Филипче, заменикот министер за здравство Асим Муса, вицепремиерот Бујар Османи и директорите на Институтот за трансфузиона медицина Седула Усеини и Авни Исмаили, денеска ги промовираа реновираните простории на Институтот, со што се овозможи многу подобри услови за работа и поквалитетни здравствени услуги.

Воведување на стандарди за квалитет во Институтот за трансфузиона медицина во согласност со препораките на Европскиот Директорат за квалитет во медицината и воведување на нов начин за прибирање на крв т.е. ладен ланец, пишува на социјалните мрежи Министерот за здравство Венко Филипче.

Институтот е позитивен пример за работа на јавна здравствена установа. Реновирани се просториите, обезбедени се нови комбиња, фрижидери и апарат за харвестрација на матични клетки.

Продолжуваме и во наредниот период со подобрување на условите во здравствените установи, вели Филипче.
Со реновирањето создадени се нови соодветни просторни услови, инсталирана е современа апаратура и спроведена е едукација на високо квалификуваниот медицински кадар.

Имплементацијата на планот за унапредување и стандардизација на Институтот за трансфузиона медицина, ја постигна целта – услови за работа соодветно на ЕУ стандардите и препораките, тврди министерот.

Институтот за трансфузиона медицина во Скопје е најголема трансфузиолошка единица во установата и располага со најголемите резерви на крвни компоненти кои бараат соодветни услови за чување обезбедени преку апарати приклучени на електрична енергија.

За одржување на истите, Институтот доби агрегат како донација и со тоа е загарантирано непречено снабдување со електрична енергија и во екстремно ситуации.

[ngg src=”galleries” ids=”14″ display=”basic_thumbnail”]