Иако и претходно претседателот на Република Македонија, Ѓорѓе Иванов имаше голема поддршка од народот, но од денеска и после неговата прес-конференција на која што истакна дека нема да го потпише договорот за спорот со името со Грција и после денешното потпишување на истиот од страна на министрите за надворешни работи на Македонија и Грција поддршката за Иванов почна да пристигнува од сите страни на светот, а таков пример се Македонците од Швајцарија.

Имено, македонските иселеници во Швајцарија го охрабруваат претседателот да истрае во неговата одлука и за ги заштити интересите на Македонија и на македонскиот народ.

Инаку и вечерва се протестираше пред Собранието на Република Македонија, а протестот беше организиран од страна на навивачката група „Комити“. Во еден момент полицијата со солзавец и шок бомби успеа да ги растера луѓето кои што протестираа против промена на уставното име на Македонија.