Секој ден има по неколку пожари низ државава, вчера гореше семејна куќа во скопската населба Бутел , денеска гори во скопско Козле.

Како што објави МКД.МК, во скопската населба Козле во тек е интервенција на противпожарната бригада по пријавувањето за запалени стари гаражи.

Очевидците велат дека пред избувнувањето на пожарот, од гаражите се слушнале две експлозии, најверојатно на плински боци.

Нема опасност од ширење на пожарок кон куќите.

Исто така денеска голем пожар беснееше и во прилепско, каде жителите од селото Подмол стравуваа да не дојде пшожарот и до куќите.

За среќа пожарот е изгаснат, но сепак жителите ќе стражарат цела вечер за да случајно истиот не се повтори. Но сега опасност постои за околните села Лопатица и Бонче каде се префрли огнот.

Во гаснењето учествуваа мештаните и екипата на ТППЕ Прилеп кои се трудеа со крајни напори затоа затоа што не располагаат со доволен број на човечки кадар, ниту пак со соодветна механизација и теренски возила.

Ова лето пожарникарите имаа навистина многу работа насекаде по неколку пожари беснееа, Општините како знаеа се се мобилизираа и со сите сили се бореа со пламените јазици.

Најголем пожар до сеа избувна во Велес во блзиина на езерото Младост, каде пламените јазици се доближија и до автопатот Скопје-Велес.

Исто така гореше и на Скопска црна гора каде исто пожарникарите теѓко се бореа со пожарот за да го изгаснат.

Некои пожари во Македонија се подметнати некои избувнаа поради екстремните температури кои ја зафатија целата теритотија на нашата земја.