Пратеникот на ДУИ Артан Груби, на прес конференција му ја честита на Пендаровски новата функција и истовремено го потсети дека ДУИ и политиките на Али Ахмети беа клучните фактори кои ја запечатија оваа победа.

„Пендаровски е наш кандидат и сметаме дека сме одлучувачки, пресуден фактор во неговата победа и нема што да испорачуваме фактури на нашиот кандидат што победи на овие избори . ДУИ беа пресуден, одлучувачки фактор во неговата победа. Најголемата фактура која што е испорачана е консензуалноста со тоа што победија политиките на Али Ахмети и ДУИ кои што ги промовираме уште од 2014 година. Поголема фактура од тоа неможе да постои“, рече Груби.

Инаку Груби веќе во неколку наврати имаше изјавено дека на Македонија и е потребен кандидат кој ги обединува сите граѓани, сите заедници, и го бара гласот на сите, а не моноетнички партиски кандидат, па затоа се одлучиле за поддршка на ДУИ,за Пендаровски. Тој истакна дека очекува попозитивни времиња со Пендаровкси,кој како што вели е нивни претседател. 

Се надевам дека по десет години од владеењето на Ѓорге Иванов како претседател ќе видиме попозитивни времиња, во кои цела држава со сите капацитети ќе бидат ориентирани кон Запад и дека ќе се успее час поскоро да се добие датум за отпочнување преговори со Европската Унија и да го заокружиме целосното членство во НАТО, истакна Артан Груби од ДУИ по инаугурацијата на новиот претседател Стево Пендаровски.

Груби потенцира дека со Пендаровски државата ќе може во најскоро време да стане членка на НАТО и на ЕУ.