Софија Захарак, пратеничка на Нова Демократија, утрово на Евроњуз објасни зошто таа утре ќе гласа против Преспанскиот договор, јави МИА во Брисел.
Захарак смета дека договорот ги „пречекорува сите црвени линии на Грција“ и “им ги остави на соседите националноста и јазикот“.
-Ние не сме против никого, но сакаме да ги сочуваме историските димензии, рече Захарак.
На прашањето на водителката дали Договорот значи дека “иако новото име на државата е Северна Македонија, потенцијално тие ќе можат да го користат македонски, а не северномакедонски како придавка?“, Захарак одговори: “не, потенцијално, туку дефинитивно“.
-Одредбите од Преспанскиот Договор на народот му дозволува да се нарекуваат само Македонци, иако името на земјата е Северна Македонија, рече Захарак.
На вчерашната дебата грчкиот пратеник од Сириза Никос Филис изјави дека Макеонија не е една и не е само грчка.
Ваквите изјави на грчките политичари ги подгреваат страстите на националистичките кругови во Грција, иако е извесно е дека ратификациката на Преспанскиот Договор треба да се случи четврток вечер во грчкиот Парламент.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.