Во прилог го објавуваме и демантот пристигнат до редакцијата на Магазин, а испратено од  страна на  министерството за внатрешни работи по однос на текстот со наслов во прашална форма “Шокантно: Функционерите од СДМС збеснаа, веќе незнаат кај тераат?”објавен на 13. февруари во 18.36. Воедно сакаме да појасниме дека Магазин не тврди туку пренесува информации и слики достапни за јавноста, а објавени јавно на социјалната мрежа фејсбук. Исто така во завршницата на текстот се пренесени информации кои се превземени  од прес конференција од страна на ВМРО-ДПМНЕ а во врска со непотизмот на власта. За нашето дообјаснување да биде транспарентно пред македонската јавност и нашите читатели, уште еднаш потенцираме дека МАГАЗИН никаде во текстот не тврди туку се повикува на претходно објавени информации од други извори и како тавки и се пренесени. 

ДЕМАНТ од МВР:

Магазин лаже, бараме повлекување на лагата и извинување. Министерството за внатрешни работи најостро ги демантира злонамерните невистини објавени од порталот Магазин во текстот „ Шокантно: Функционерите од СДСМ збеснаа, веќе незнаат кај тераат?“, во кој се изнесени низа лаги односно се тврди дека извесна Симона П. од Муслинци , Битола била вработена во СВР Битола односно дека ЕТИКАТА и МОРАЛНОТО ОДНЕСУВАЊЕ не се основни критериуми при селекцијата на апликантите за вработување во МВР под раководство на министерот Оливер Спасовски. Ја известуваме јавноста дека такво лице Симона П. не е вработено во СВР Битола односно станува збор за лага. Министерството за внатрешни работи бара да го објавите овој демант, и да се објави извинување, како и јавно повлекување на текстот. Во спротивно МВР ќе ги следи законските регулативи и алатки кои ги има на располагање за заштита.

*Порталот Магазин се оградува од невистини и злонамерни дезинфомации, но во исто време  го почитува правото на инфомирање на граѓаните  и организациите , кои го искажуваат својот став до јавноста преку социјалните мрежи. Воедно се извинуваме доколку некое физичко или правно лице се нашло  навредено поради пренесените информации од друг извор.