Времето денеска ќе биде сончево со мала до умерена локална облачност и со слаб до умерен ветер претежно од северозападен правец. Температура ќе се движи од -1 до 9 степени.

Во Скопје ќе биде сончево со мала до умерена локална облачност и со слаб до умерен ветер претежно од северозападен правец и со температура до 5 степени.
Утре попладне и в петок ќе има повремени врнежи претежно од снег, а наместа ќе се формира нова снежна покривка.

За време на викендот ќе преовладува облачно време со повремен локален дожд на пониските места, а на планините со повремен снег. По одделни котлини ќе има појава на слаба магла. Како што е најавено од метеоролошките станици овој месец и месец јануари нема да има значителни промени во климатските услови. Поголеми врнежи од снег од овој период не се очекуваат.