Шефот на македонската дипломатија не прекинува на сите можни начини да и контрира на Руската Федерација, што истакнати дипломати го ценат како преседан во кој гледаат личен конфликт а не официјален став.

Имено во врска со инцидентот со задржаните украински бродови од Русија во теснецот Керч се огласи и Министерство за надворешни работи на Македонија со поддршка за територијалниот интегритет и суверенитет на Украина.

Поддршката беше пренесена на официјалниот твитер профил на министерството.

Длабоко сме загрижени за ескалацијата на тензиите во Азовско Море и за последиците по мирот и стабилноста. Во согласност со ЕУ ЦФСП (Заедничка надворешна и безбедносна политика на ЕУ), повикуваме за воздржаност, деескалација и целосно враќање на слободата на минување низ Керчки теснец. Ги поддржуваме територијалниот интегритет и суверенитет на Украина. – објави македонското МНР на својот профил на Твитер.

МНР на Украина ја ретвитна оваа објава, додека дипломатите прашуваат каква врска имаат односите помеѓу Русија и Украина со Македонија?