По денешната средба на Советот на министрите од Луксембург, каде Македонија не успеа да добие датум за преговори за ЕУ, се огласи и пратеникот Илија Димовски од опозициската партија ВМРО.

Димовски на својот Твитер профил се обрати до власта и објави статус поврзан со одбивањето на Македонија за отпочнување на преговори со ЕУ.

Димовски вели дека владеачката партија има промашена стратегија, а тоа се докажува со тоа што и по потпишувањето на договорот од Преспа, Македонија доби како што вели само тапшање по рамо.

-Да потпишеш договор како оној од Нивици и за возврат да добиеш само тапшање и неколку убави зборови од ЕУ (што и беше причина за договорот и референдумот) е доволна причина да признаеш промашена стратегија. Лани ни одложија за една година, годинава за пола, напиша Димовски.

Димовски напиша и дека Македонија е најпрепорачувана држава за членство во ЕУ.

ЕК пред десет години утврди дека ги исполнуваме условите за преговори. И да, имаме многу проблеми, хаос и нефункционални установи, НО подобри сме од некои членки на ЕУ, пишува Димовски и дополнува дека ЕУ денес и удри шамар на Владата.

Тој пишува дека веројатно денешниот случај ЕУ го земала предвид тоа што се случува во државата, како што вели тој  партизација и прогон за корупција, но Димовски вели дека ЕУ им должи на граѓаните на Република Македонија….