Амбасадорот на Малта во Финска поднесе оставка откако ја спореди германската канцеларка Ангела Меркел со нацистичкиот диктатор Адолф Хитлер, јавуваат локалните медиуми.
Амбасадорот Мајкл Замит Табона наводно напишал на Фејсбук дека Хитлер е запрен пред 75 години и го праша:
„Кој ќе ја запре Ангела Меркел? објави Би-Би-Си во неделата.
„Таа го исполни сонот на Хитлер! Да ја контролира Европа“, изјави малтешкиот амбасадор.
Неговиот пост на Фејсбук подоцна беше избришан, а министерот за надворешни работи на Малта, Еварист Бартоло, рече дека, веднаш штом дознал што се случило, тој наредил амбасадорот да го отстрани коментарот.
Министерот објави дека неговата земја ќе и се извини на Германија, пренесува „Тајмс на Малта“.
Ангела Доротеа Меркел е германска политичарка и поранешен научник, која е канцелар на Германија од 2005 и водач на Демохристијанскиот сојуз (ДХС) од 2000. Таа е прва жена која е избрана на таа функција.
Образувана во насоката физичка хемија, Меркел влегла во политиката во бранот на револуциите од 1989, кратко служејќи како гласноговорник за источногерманската влада.
По повторното обединување во 1990, била избрана во Бундестагот за изборниот округ Штралзунд-Северна Западна Померанија-Риген во покраината Мекленбург-Западна Померанија, која и денес претставува нејзина изборна единица. Подоцна била назначена за сојузна министерка за жени и млади во 1991 под водство на канцеларот Хелмут Кол, по што била унапредена во сојузна министерка за животна средина, заштита на природата и нуклеарна заштита во 1994.
Откако коалицијата ЦДУ/ЦСУ била поразена во 1998 била избрана за генерален секретар на ЦДУ, пред да биде избрана за прв женски лидер на партијата во 2000.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.