Српска делегација на чело со претседателот Александар Вучиќ, денеска во Германија ги започна преговорите со компанијата Фолксваген за инвестициите на овој автомобилски гигант во Србија.

Фолксваген дефинитивно крена раце од Македонија !!

Премиерот Зоран Заев неколку пати досега изјавуваше дека земјава ќе ги донесе и ќе ги привлече најголемите светски имиња како што се Фејсбук и Гугл, а се пофали и дека Меркел му ветила дека следната дестинација на Волксваген ќе биде токму Македонија

Како што пишува Курир.рс претседателот Александар Вучиќ со српската делегација, денеска го посетил музејот на оваа компанија во Волфсбург, каде што престојуваат во еднодневна посета на фабриката. Српкиот медиум известува дека денеска се започнати преговорите помеѓу Србија и Германија, за изградба на автомобилскиот гигант Фолксваген.

Од Фолксваген изјавија дека до 2022 во Источна Европа ќе изгради фабрика која ќе се простира на 400.000 квадратни метри каде ќе произведуваат автомобили од марката Фолксваген., а ќе се вработат помеѓу  4.000 до 5.000 работници. Инаку оваа година трговската размена со Германија и Србија, ќе премине и над 5 милијарди евра.

Премиерот пред неколку месеци изјави дека во земјава ќе инвестира како што рече, огромна германска корпорација но не го откри нејзиното име.

Зоран Заев истакна дека за ова се заложил и кај советникот во кабинетот на канцеларката Анега Меркел.

Новата фабрика од групацијата Фолксваген би требало да има капацитет од 300.000 автомобили годишно и да произведува 5 модели од Фолксваген, Шкода и Сеат, односно марки на возила кои се составни дел од германската фирма.