Српската пејачка Анабела Атијас, во ексклузивна изјава за Пинк.рс, потври дека после седум години брак се разведе од бизнисменот Андреј Атијас, со кого има една ќерка, Бланкица.

После седум години брак, поп пејачката Анабела Атијас и нејзиниот сопруг Андреј Атијас се разделија. И покрај напорите да се спаси нивниот брак и многубројните проблеми, не успеале да останат заедно.

Се разведовме, не успеавме. Се боревме како лавови и сега сме најдобри пријатели. Бланкица ни е најважна, сега е најважно само таа да биде Ок, потврди Анабела за Пинк.рс.

Анабела Атијас или попозната само како Анабела е популарна српска пејачка. Таа ја започна нејзината кариера во 1993 година, како дел од дуо групата Funky G, заедно со нејзиниот сопруг Гаги. На 29 април 2009, тие се разведоа со што Анабела ја напушти групата и започна соло кариера.

Во 1993 година, Анабела и Гаги ја започнаа нивната кариера како дел од дуото Funky G. Тие имаа голем успех низ целата бивша Југославија. Повеќето од нивните песни беа хитови. Тие беа во поп стил со елементи на поп-фолк и денс. Во нивните хитови спаѓаат: „Робиња“, „Ја имам неког“, „Направи се луд“, „У твојим колима“, „Јел ти жао“, „Гад“, „Поново“, „Кафана на балкану“ и други.

Во текот на нивната заедничка кариера издадоа дванаесет студиски албуми и 2 компилации со најдобрите хитови. Во 2009 година таа започна соло кариера со песната „Мој драги“.

Анабела сними спот за оваа песна заедно со режисерот Дејан Миличевиќ. Видеото е снимено во Маврово, Македонија. Нејзиниот втор сингл е „100 ратова“ кој го испеа заедно со Миа. 

Анабела е мајка на познатата ријалити звезда Луна Џогани, која го освои првото место во ријалити шоуто Задруга 2.