Партијата на францускиот претседател Емануел Макрон претрпе пораз во неделниот втор круг на локалните избори, додека Зелената партија славеше победа во неколку поголеми градови.

Макрон се надеваше дека неговата партија ќе добие поддршка во градовите низ Франција, а пред претседателските избори во 2022 година, пренесува Ројтерс.

Сепак, Партијата на зелените, која ги здружи силите со левичарските партии во некои градови, победи, што може да го принуди Макрон да изврши реконструкција на владата.

Францускиот премиер Едуард Филип прогласи победа на локалните избори на кои се кандидираше за градоначалник на Абра, и иако според францускиот устав тој може да назначи некого да ја извршува функцијата градоначалник и да остане премиер, таа победа го доведува во прашање неговото останување на таа позиција.

Во Франција вчера се гласаше за градоначалници, кои во текот на кампањата ветија дека ќе се справат со проблемите од образованието до заштитата на животната средина.

Излезеноста на изборите во вториот круг  беше на рекордно ниско ниво – дури 40,5 проценти.

Резултатите од изборите би можеле да го присилат Макрон да посвети поголемо внимание на заштитата на животната средина, за што се залага „Зелената партија“, наведува агенцијата и додава дека Макрон не направил речиси ништо за екологијата.

Официјални лица изјавија дека Макрон денеска ќе разговара со Премиерот, а извори запознаени со ситуацијата велат дека „она што следува“ ќе биде навремено објавено.