На половина час пред потпишувањето на оставката премиерот Зоран Заев беше гостин во емисијата Утрински брифинг, каде истакна дека неговото семејство до денес воопшто не се занимавало со политиката, туку продолжиле да ги работат семејните бизниси.

– Јас моето семејство не го ставив на никакви челни позиции во државата. Моето семејство продолжи да ги работи своите, семејни бизниси. Тие се СДСМ, да, активни се на ниво на општина. Креваат телефони да, за да забрзат одредени проблеми во здравството, да завршат некоја услуга, бидејќи тоа е човечно, изјави лидерот на СДСМ Зоран Заев на прашањето за улогата на неговото семејство во политичкиот живот во државава.

Во емисијата премиерот истакна дека Македонија до 2025-2027 ќе биде членка на Европската нија.