Премиерот Зоран Заев денеска ја посети фабриката „Маекарт“ во село Каласлари во блзина на Велес.

Маркарт групацијата – гигант во автомобилската индустрија, е основана во 1925 година, и е водечки светски производител на електромеханички и електронски додатоци и системи за автомобили, електричен алат, апарати за домаќинство и други индустриски апликации. Фабриката на „Маркарт”, во Велес е отворена во 2015 година и првично вработуваше 120 лица, со план до 2017 година да има 600 вработени.

Тој по обиколката на фабриката најави кога Македонија да очекува превремени избори.

– Предвремени избори ќе има до крајот на октомври 2020 година, тоа е 45 дена пред редовните избори , а тоа е интенцијата затоа што за нас секој ден, секоја недела, секој месец е важен како и придобивките од она што значи во економијата растот, новите работни места импактот од Европската унија и НАТО и надежта дека конечните одлуки за стратешките цели на нашата држава ќе бидат исполнети. Оваа кампања која што во моментов ја водиме е за да ги финализираме некои двегодишни активности на Владата како наши сериозни успеси и да ги доближиме до граѓаните да ја отвориме дебатата на секако озарени на периодот кои што доаѓа пред нас и да научиме нешто од граѓаните, да ги видиме слабостите, предностите, задоволство, незадоволство, изјави денеска премиерот Зоран Заев при посетата на фабриката „Маркарт“ во с.Каласлари, во близина на Велес.