Денеска во 18 часот сите главни правци во Албанија, кои се поврзани со Тирана ќе бидат блокирани.

Лидерот на албанската опозициона партија Луљзим Баша после состанокот со претседателката на Социјалистичката партија за интеграција Моника Круемади, најави радикализација на активностите на заедничката опозиција.

Како што најави тој, денеска во 18 часот сите главни патни правци во Албанија, кои се поврзани со Тирана ќе бидат блокирани.

Ние сме во длабока политичка, економска и социјална криза и постана јасно дека во последниве 24 часа, земјава е во комплетна криза во најзначајниот процес за Албанија, односно во процесот на европските интеграции. Ние денеска ќе продолжиме со нашите акции на секој можен план, рече Баша, во кој најавува блокади на патишта во Тирана.

Ќе разговараме и за нашата платформа која ќе ја претставиме на Албанците, и порача дека никакви ставови не се променети. За денеска ги најавуваме најжестоките протести до сега, изјави тој.

Американската амбасада во Тирана ги повика своите државјани во Албанија да бидат внимателни и да избегнуваат присуство во зоните каде ќе се собираат демонстрантите.

Во соопштението од организаторите, се наведуваат локациите каде ќе се собираат и маршрутата по која ќе се движат демонстрантите, главното место (пред Владата) на протестот, кој како што наведува лидерот „ ќе почне во 18:00 часот, но не се знае кога ќе заврши“.