Арачиново сеуште не добило канализација, но општината редовно добивала фактури за решо, чајник, калап за мафини и босански суџук. Ова се дел од работите што градоначалничката на Општина Арачиново, Милкие Халими, ги купувала со буџетот за репрезентација, кој најчесто е предвиден за службени ручеци и посети на странски делегации.
До ноември минатата година Општинтаа Арачиново потрошила цели 7 илјади евра во угостителски објекти и кафеани, но повеќето од трошоците немаат допирна точка со репрезентација. Па, така, редовно во Општината се купувале кроасани „7 дејс“, влажни марамчиња, мирисливи свеќи од лаванда, ванила, креми за раце, банани, ананас и друго.
Ваквото чудно трошење на буџетските средства не застанува тука, туку општината решила да се поднови и во делот на домаќинството – минатата година во јануари Арачиново се подновило со решо, дрвена лажица, чајник, тацни и лажици за чај, калап за печење мафини и 5 алуминиумски овали. Веројатно ова е буквално за живот, според слоганот на СДСМ!?
Поттикнати од ваквите информации на социјалните мрежи почнаа да се шират карикатурални фотографии од градоначалничката Милкие, со аплициран суџук на нејзината предизборна плаката. Во меѓувреме жителите на оваа општина сеуште не ја добиле ветената канализација и сеуште имаат сериозен проблем со големата дива депонија за ѓубре во близина на Арачиново.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.