Борецот за правда и антикорупција, Костадин Костадинов Манулач, кого цел регион го памети по ефикасното вработување и бескомпромисното отпуштање на сопствената мајка, денес во раните утрински часови одржа прес конференција посветена на енигмата која ја загатна министерката за правда Рената Дескоска, кои опозиционери имале опсесија да си го мерат со неа. Прес конференцијата Манулач ја одржа пред белата палата на ВМРО-ДПМНЕ и ви ја пренесуваме во целост:

Почитувани граѓани на нашата земја,

Веќе изминува вториот ден како Христијан Мицковски одбегнува да одговори на прашањата што му ги постави министерката за правда Рената Треневска Дескоска. Мицкоски сеуште се крие зад статуси на социјалните мрежи, се крие и зад својот партиски портпарол и зад прес конференциите на антизападниот Влатко Ѓорчев. Но, јавноста ги чека одговорите од Мицкоски и сака да ја знае вистината, сега и веднаш! Затоа Христијане, одважи се, излези пред јавноста и одговори јасно и гласно, кои двајца твои сопартијци од ВМРО-ДПМНЕ имаат опсесија да си ги мерат со Рената Дескоска? Зарем не е срамота самата опсесија да си ги мерите со жена и со госпоѓа, зарем до тоа дно паднаа демо-христијанските вредности на анти-европската клика во опозиционата партија? ВМРО-ДПМНЕ очигледно сеуште е заглавена во минатото и никако да излезе од филмовите на сексизам, тиндер и порн-хаб. Што е следно господине Мицкоски, зарем ќе одите дотаму да си ги мерите и со Серена Вилијамс? До кога ќе го тормозите понежниот пол од власта, а особено припадниците на ЛГБТИ во нашите редови? До кога ќе ги поттикнувате вашите следбеници да сурфаат по фејсбук сликите на нашите министерки со лева рака? Зошто г-не Мицкоски не излезеш јавно и не ги осудиш ваквите девијации? Граѓаните и јавноста заслужуваат одговори на овие прашања! Мицкоски, молчењето нема да ти успее. Напредкот на нашата Северна Македонија ќе продолжи, застанување нема. Одговорност од прв до последен за сите што си ги мереле со Рената мора да има. За никој да не се дрзне утре да си го мери со Радмила!