Во вечерашната емисија на „Само вистина„ на Канал 5, гостин беше српскиот пејач Здравко Чолиќ.

Српскиот пејач Здравко Чолиќ во вечерашната емисија на „Само Вистина„ на Канал 5, рече дека многу му е драго што се наоѓа во Македонија, бидејќи е прекрасна земја со прекрасни луѓе.

Чолиќ зборуваше за почетоците на својата кариера и живот. Тој раскажа и во кој момент од животот одлучил да се занимава со музика. Легендарниот музичар рече дека многу ми е мило за договорот кој го направија Македонија и Грција, бидејќи тоа е само географски компромис.

Почнав со вокално-инструментални настапи со групата „Амбасадори“, на крај Кемал Монтено ми понуди песна која првично била наменета за Јосипа Лисац но ја одбила и за брзо се видов во насловните страници на повеќе списанија, пишуваа „Новото име – Здравко Чолиќ“, тоа беше моментот кога сфатив дека ќе се занимавам со музиката но не како гитарист туку како пејач, раскажува Чолиќ.

– Во времето на Тито се беше во знакот на авторитарноста и тоа беше резултат на општествено-политичкото уредување кое владееше, некој го сакаше него, некој не, јас го обожував и на многу фестивали сум пеел песни посветени за него, вели Чолиќ.

Здравко Чолиќ важи за една од најголемите, а можеби и најголемата музичка легенда од времето на СФРЈ. Со неговите хитови „Пусти, пусти моду“ , „Писаќу јој писма дуга“ , „Мало појачај радио“ и други, ги натера неговите обожаватели да се внесат во тој свет на музиката на Чолиќ. Со неговите концерти низ цела Југославија создаде вртоглавица кај неговите обожавателки.

Денес Здравко Чолиќ, по паузата за време на војните во регионов, повторно ја потсетува неговата публика на старите хитови, а создава и нови.

Настапува по цела година и насекаде: Србија, БиХ, Хрватска, Словенија, Македонија, Црна Гора, Австрија, Швајцарија, САД, Канада… Еден од неговите најголеми концерти беше во 2007 на стадионот Маракана во Белград каде собра неколку десетици илјади публика, а концертот го заврши со песната „Пјесмо моја“ и спектакуларен огномет над Белград.