Како што соопштија од МВР, педесет и седумгодишен параглајдерист од САД се здобил со повреди откако паднал врз автомобил во Охрид.

Вчера во 15.20 часот при слетување на плажата со параглајдер Д.J.Р.(57) од САД  во с.Љубаништа, паднал на патничко моторно возило и тешко се повредил.

Повредениот Д.Ј.Р. бил потоа со возило на итна помош пренесен во охридската болница, соопштија денеска од МВР.

Од страна на полициски службеници од СВР Охрид излезено е на местото на настанот и констатирано е дека во 15.20 часот при слетување на плажата со параглајдер Д.J.Р.(57) од САД, паднал на патничко моторно возило марка „мицибуши“ со скопски регистарски ознаки. Д.Ј.Р. со возило на итна медицинска помош е пренесен во болницата „Св.Еразмо“.