Правото на глас на локалните избори до 13 часот го искористиле околу 315 илјади гласачи или близу 25 проценти. 

Според податоците од Државната изборна комисија, излезноста до 13 часот споредено со првиот круг е далеку по голема, односно за дури 4 проценти, пренесе Канал 5!

Во дел од скопските општини каде во вториот круг покрај за општината се гласа и за градоначалник на Град Скопје, најголема излезност има во Карпош или 29,54% проценти најмала пак во Шуто Оризари или 15,72 %!

Споредено со првиот круг, во сите општини каде се гласа за градоначалник на општината и на градот Скопје излезноста споредено со првиот круг е зголемена. Во Карпош излезноста од првиот круг е зголемена за повеќе од 9 проценти, слично е и во Центар каде излезноста е повисока за 8 проценти, во Чаир пак за 4 проценти, а во Шуто Оризари за помалку од 3 проценти.

Дел од аналитичарите велат дека очекуваат ваквиот тренд на зголемена излезност да продолжи.