Нобеловата награда за мир отиде во рацете на Абиј Ахмед, премиерот на Етиопија, кој стави крај на конфликтот на неговата земја со Еритреја. Ахмед е овогодинешен добитник на Нобеловата награда за мир иако кај нас кружеше и информацја дека всушност оваа награда можно е да отиде и во рацете на премиерот Зоран Заев кој годинава направи голем потег со премиерот на Грција, но тие не ја добија потребната поддршка.

Имено лидерите на Етиопија и Еритреја минатото лето потпишаа договор за обнова на дипломатските односи и официјално ставија крај на непријателството кое траеше цели две децении.

Станува збор за судир во кој, поради спорната погранична територија а загинаа голем број лица во двете земји.

Премиерот на Етиопија Абиј Ахмед Али кој стана премиер во април минатата година јасно кажа дека сака да ги продолжи мировните преговори со Еритреја и го оствари ветеното, тој оствари тесна соработка со претседателот на Еритреја, разработи принципи за мировен договор со кој би се ставил крај на дводеценискиот проблем.

Наградата, во вредност од околу 900.000 долари ќе му биде доделена во Осло на 10 декември.