Катица Јанева од вечерва се наоѓа во истражниот затвор “Скопје” во Шуто Оризари.

Шефицата на СЈО, Катица Јанева вечерва ќе биде спроведена во истражниот затвор “Скопје” во Шуто Оризари. Судијата се согласил Катица да присуствува на погребот на нејзината мајка и таа со полициска придружба утре да отпатува во Гевгелија.

Судија на претходна постапка ѝ определи 30 дневен притвор во истрагата за случајот “Рекет” како трето осомничена. Таа има право на жалба преку нејзините адвокати до кривичниот совет.

Притворот го побара Обвинителството за гонење организиран криминал и корупција.

По наредба на првиот човек на Обвинителството за организиран криминал и корупција, обвинителката Вилма Рускоска, припадници на полицијата денеска ја уапсија специјалната обвинителка Катица Јанева.

Информацијата беше потврдена од обвинителството, а се дознава дека Катица е осомничена за злоупотреба на службената положба и овластувањата.