Амбасадорот на Народна Република Кина во Израел Ду Веи беше пронајден мртов во неговиот стан во предградието на Тел Авив.

Израелската полиција започна истрага за смртта на кинескиот амбасадор.

Ду (58) е пронајден мртов во кревет, а причината за неговата смрт сè уште не е објавена.

Израелскиот канал 12 ја пренесе изјавата на неименуван медицински службеник дека Ду, починал во сон од природна смрт.

Тој беше назначен за амбасадор во Израел во февруари годинава, а пред тоа беше шеф на дипломатската мисија во Украина.

Во интервјуто во април, тој рече дека по пристигнувањето во Израел, тој бил во 14-карантин поради епидемијата на коронавирус во Кина.
Педесет и осумгодишниот Ду Веи ги остави зад себе сопругата и синот.