Обвинителката Фатиме Фетаи е во самоизолација, откако вчера на нејзиниот колега обвинителот Гаврил Бубевски му биле доставени резултатите од тестот за Ковид 19, и испаднало дека е позитивен на вирусот. Освен Фетаи уште двајца истражители сместени во зградата на СЈО кои имале контакт со него при работа на предмети се во задолжителна изолација и не одат на работа.

Фетаи и Бубевски, обвинителите кои се задолжени за расветлување на случајот Монструм го известиле кривичниот суд за своето оправдано отсуство по што, утрешното рочиште за случајот ќе биде одложено и процесот ќе продолжи на крајот на август.

Бубевски и Фетаи последен пат бил во кривичниот суд во вторникот на претходното рочиште за Монструм, објави Телма.

Во судот немаат информации за заразеноста на обвинителот, туку биле известени дека обвинителството не е во можност да го застапува предметот. Бубевски е дома и во краток телефонски разговор за Телма истакна дека за сега се чувствува добро.

-СЕ ЧУВСТВУВАМ ДОБРО, НЕ ЗНАМ ОД КОГО СУМ ЗАРАЗЕН. ОДЛУЧИВ ДА СЕ ТЕСТИРАМ ЗА ПРВПАТ БИДЕЈЌИ ПОСТОЈАНО СУМ ВО ДВИЖЕЊЕ, А ЧЕСТО ОДАМ И ВО СУДОТ КАДЕ ИМА ГОЛЕМ БРОЈ НА ЛУЃЕ. ВО ЕПИДЕМИОЛОШКАТА АНКЕТА ИСТАКНАВ ДЕКА СО УШТЕ ЕДНА ОБВИНИТЕЛКА И ДВАЈЦА ИСТРАЖИТЕЛИ ИМАВ ДОЛГ СОСТАНОК ЗА ОТВОРЕНИ ПРЕДМЕТИ ПО ШТО Е ОДЛУЧЕНО И ЗА НИВНА ИЗОЛАЦИЈА. ВООБИЧАЕНО ГИ ПРИМЕНУВАМ ЗАШТИТНИТЕ МЕРКИ, А СОСТАНОКОТ БЕШЕ ДОЛГ, ВО ЕДНА ПРОСТОРИЈА И СПОРЕД ЕПИДЕМИОЛОЗИТЕ ПОСТОИ ОПРЕДЕЛЕН РИЗИК ЗА КОЛЕГИТЕ, НИ ИСТАКНА ОБВИНИТЕЛОТ ГАВРИЛ БУБЕВСКИ ВО ТЕЛЕФОНСКИ РАЗГОВОР ЗА ТЕЛМА.