Како што беше случајот со Кина, се чини дека целосната блокада на Италија поради вирусот корона доведе до „прочистување на воздухот“, па сателитските слики покажаа дека ситуацијата е многу подобра кога станува збор за загадувањето во северна Италија.
Европската вселенска агенција покажа на снимките дека нивото на емисиите на стакленички гасови драматично се намалило.
Цела Италија веќе три дена е ставена во карантин заради катастрофалното ширење на вирусот корона.
Блокадата доведе до намалена активност, како во фабриките, така и во патувањето.
Според најновите податоци во 145 земји пријавени се 145.553 потврдени случаи на коронавирус. Досега се излекувани 72.551 лица, а 5.438 починати, објави „Worldometers“.
Кина сè уште има најголем број на заразени, во кои спаѓаат и излекуваните, 80.824, додека бројот на починати е 3.189.
Италија следи со 17.660 заразени и 1.266 мртви, Иран 11.364 заразени и 514 мртви. Во Јужна Кореја има 8.086 заразени и 72 смртни случаи, во Шпанија има 5.232 заразени и 133 починати од коронавирус.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.