Медицинските сестри што неодамна дадоа отказ од Инфективна, експресно се разрешени од местата одделенска т. е главна сестра после состанокот. Оваа информација на официјалните мрежи ја сподели доктор Ненад Лазаров.
Министерот за здравство Венко Филипче, неодамна имаше средба со трите медицински сестри, кои најавија дека ќе си заминат од Инфективната клиника.
Станува збор за главната сестра Зорица Љубичиќ Митиќ и уште две медицински сестри Силвана Рогиќ и Дивна Бојческа.
Филипче истакна дека ги разбира, и договорено е после годишниот одмор кој ќе го користат, повторно да се разговара со нив и да се најде начин за продолжување со битката против коронавирусот.
„Барам да ми го прифатите отказот од работа, со претходна најава од месец дена, во кој период ќе го користам годишниот одмор од 2019 и 2020 година. Причините да ја напуштам клиниката по 28 години професионална работа се многубројни, но би навела само една: Непочитување и деградирање на профилот медицинска сестра, како една од најважната алка во медицинскиот тим – наведува главната медицинска сестра во нејзиното барање до раководството на Инфективната клиника.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.