Меки и вкусни кифлички предлог за утрешниот доручек!

Се замесува меко тесто од дадените состојки и веднаш се дели на 4 дела.

Секој дел посебно се дели на 4 топчиња. Секое топче се расукува во мала коричка која се премачкува со омекнат маргарин и се редат 4 корички една врз друга, а последната останува немачкана.

Треба да добиете 4 купчиња со корички. Се зема едно купче и се расукува во голема кора која де расекува на 16 триаголници,на секој триаголник се става од претходно подготвениот фил и се мотат кифлички. Кифличките се редат во плех на хартија.

Истото се повторува со другите купчиња. Направените кифлички се оставаат да стасат 2 часа во тепсиите.
Кога ќе поминат 2 часа се премачкуваат со јајце разматено со малку млеко и се посипуваат со сусам. Почнуваме со печење од првата направена тепсија.

Се печат на 200 околу 25-30 минути да добијат убава боја.

Состојки:

1 кг и 600 гр брашно

500 мл кисело млеко

500 мл пресно млеко

2 лажици зејтин

4 лажици шеќер

4 лажици сол

1 квасец

фил:

300 гр спанаќ

200 гр сирење

2 јајца

150 гр маргарин