Синиша Михајловиќ вечерва се појави на клупата на Болоња, за да биде дел од премиерниот меч во новата сезона во Серија А.
По 6 неделната терапија, херојот Синиша Михајловиќ денеска беше пуштен од болница и веднаш се упати кон стадионот на кој сосема очекувано, од публиката доби огромна поддршка.
Синиша Михајловиќ на 13. јули објави дека боледува од леукемија.
Пет дена подоцна почна со интензивен третман.
Кариерата ја започнал како лево крило, меѓутоа со преоѓањето во Италија бил прекомандуван во одбраната, каде што играл до крајот на својата играчка кариера.
За репрезентациите на СФР Југославија, СР Југославија и Србија и Црна Гора, Михајловиќ одиграл вкупно 63 натпревари и постигнал 10 гола, а учествувал и на Светското првенство 1998 и Европското првенство 2000.
Познат е како еден од најдобрите изведувачи на слободни удари во светот.
Тој и Џузепе Сињори се единствените двајца играчи во Серија А, кои постигнале по три гола на еден натпревар од слободни удари, а исто така го држи рекордот по бројот на постигнати голови од слободен удар во Серија А заедно со Андреа Пирло (28).
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.