Македонецот Јордан Битов кој живее и работи во Канада, стана сопственик на Торонто Стар, откако компанијата која беше претходно сопственик стана приватна компанија, објави Весник Илинден.

Имено компанијата која беше сопственик на Торонто Стар, исто така има повеќе од 70 весници, според веб-страницата на компанијата, во нивното портфолио стојат и десетици други дигитални бизниси во Канада. Според последните информации од Компанијата, овој медиумски гигант станува приватна компанија. Трансакцијата на сопственоста била препорачана од специјален комитет на Одборот на директори на Торстар, со поддршка од мнозинството нејзини акционери. Ваквата Одлука била поддржана и од нејзиниот најголем независен акционер, Ферфекс Финансиски холдингс ДОО. Компанијата Нордстар моментално е раководена од Јордан Битов и Пол Ривет.

Таа е во целосна сопственост на семејствата Битов и Ривет. Ривет неодамна се повлече од својата улога на претседател на Ферфекс Финансиски холдингс ДОО. Според соопштението на Нордстар, поранешниот премиер на Онтарио, Дејвид Петерсон прифатил да биде назначен за заменик-претседател на Торонто Стар по завршувањето на трансакцијата. Се очекува г-дин Boyон Бојтон да продолжи да ја извршува својата функција, извршен директор на Торстар. „Ние веруваме во вести. Со оваа трансакција можеме да обезбедиме иднина за новинарите од светска класа и новинарство од светски ранг што ѝ прилегаат на историјата на Торонто Стар“ – рече Битов во истата изјава.