КУД Јане Сандански ја претстави макеодонската заедница на Мумба парадата

Последниот ден од фестивалот Мумба во чест на Денот на трудот во Викторија Австралија  го означи познатата Мумба парада. Илјадници жители на Мелбурн од сите генерации,и нации, секоја годиниа масовно ја посетуваат и поддржуваат мултикултурната шареноликост на парадата.

Оваа година беше посебно убава и можеби една од  најпосетените досега. Еден час пред почетокот, река од луѓе се слеваше по улицата од каде започнуваше мумбата, да заземат подобри места од каде што  ќе можат  ја следат и уживаат во парадата.

Топло бе поздравувани пожарникарите, викториската полиција, претставниците од неколку етнички групи, Украина, Јапонија, Индонезија, Кина, Карипските острови и секако нашата Македонија. Притоа остана најзабележана  возбудата кај најмладите посетитеи кои стрпливо чекаа и со интерес ги пратеа разнобојните подвижни возила, “дрвја”, џиновски инсекти и голем број танчери.

По неколку години пауза оваа позната манифестација со својата грандиозна програма повторно ја разубавија македонските играорци од МКУД Јане Сандански од Мелбурн.

Додека пак крајот на парадата го означија “кралот и кралицата на Парадатa, најзаслужните во Викторија за оваа година, Џефри Томсон и Џејн Бан. 

Со  две илјади учесници и сто илјади публика  оваа парада важи дефинитивно  за најспектакуларната парада во светот. Петмилионскиот град Мелбурн по 65-ти пат повторно го покажа своето мултиетничко срце