МВР призна дека ќе се гради центар за странци бидејќи е потребно да се подобрат капацитетите на веќе постоечкиот. Ова е прва институција која јавно одговори дека документите за изградба на ваков центар во Бардовци се точни.

Директорот на БЈБ вели има нова локација но тој не располага со елаборатот. Лазовски тврди дека нема опасност од враќање на мигранти во земјава од државите на ЕУ. Во Стратешкиот план на МВР за 2018-2020 пишува дека парите за овој центар ќе бидат обезбедени од странски донации. Ја посетивме локацијата која е наведена во годишната стратегија за урбанизам на Владата, објавена во службен весник, за што вчера премиерот тврдеше дека е лага и вели дека никој не побарал ниту пак ќе се градат бегалски кампови во Македонија. Се работи за површина од околу 7 хектари на која има запуштени воени магацини и ниви. Местото е веќе оградено и според стратешките планови би требало да се изгради до крајот на следната година.

Инаку во Центар за странци до сега беа сместувани дел од мигрантите. Во најголем број на почетокот од бегалската криза. Во меѓувреме, на состанокот во Виена претседателот на ЕК Жан Клод Јункер најави дека извршното тело во септември ќе претстави предлог за заштита на надворешните граници на Унијата. Австрискиот канцелар Курц и неговиот заменик пак порачаа дека Австрија нема да ги прифати вратените бегалци.

Пред само една недела министерката Мила  Царовска ја обвини опозицијата за ширење на лаги, додека во исто време проектот се гради.

И премиерот Заев деновиве излезе со изјава дека е „лага„ веста дека се градат бегалски кампови. Сепак изјавата на Зоран Заев не може да се земе сериозно и конструктивно имајќи ги во предвид и фактите дека Заев се служи со тешки невистини и досега многу пати го погази својот збор.