Во борбата против смртоносниот коронавирус, медицински персонал е вработен деноноќно во Кина а многу од нив дури немаат време да се одморат. Снимките на бремената медицинска сестра од болницата во Вухан предизвика бес низ целата земја.

Иако државната телевизија CCTV ја прикажа Зао Ју како хероина на деветтиот месец од нејзината бременост, тоа не беше многу ценето од граѓаните кои сметаа дека на бремените жени не им е местото тука.

Еден корисник истакна дека ја користеле бремената жена како „пропагандна алатка“.

Таа е снимена како тестира пациент, кој подоцна бил испратен во одделението за треска. На видеото се гледа како пациентот кажува да не работи затоа што е опасно. Зу признава во видеото дека нејзиното семејство е против тоа да продолжи да работи, но додава дека се надева дека ќе придонесе во борбата против вирусот.

„Можеме ли да престанеме со оваа пропаганда? Кој донесе одлука дека ова видео е добро? Бремената жена не треба да биде во првите редови на борбата против вирусот“, напиша еден корисник на социјалната мрежа.

Повеќе од 2.200 луѓе починале од коронавируси во Кина, со најголем број смртни случаи во Вухан, центарот на Хубеи.
Само во Кина има повеќе од 75.000 заразени. Вирусот се шири и ширум светот со повеќе од 1.000 пациенти и неколку смртни случаи.