Претседателот на Хрватска, Зоран Милановиќ, му ја честиташе победата на Џо Бајден на претседателските избори во САД и тој е убеден дека ова ќе значи обновување на трансатлантското партнерство.
„Довербата на рекордниот број американски гласачи што му беше покажана потврдува дека мора упорно да веруваме во демократијата дури и кога таа се тестира“, рече Милановиќ.
„Сигурен сум дека победата на eо Бајден ќе значи обновување на евро-атлантското партнерство што беше загрозено и дека Европа повторно ќе биде главниот сојузник на САД“, додаде Милановиќ, нагласувајќи дека тоа е добро за глобализираниот свет, Европа и Хрватска.
„Верувам дека Хрватска ќе има не само сојузник, туку и пријател во избраниот претседател на Соединетите држави, особено што Џо Бајден добро ја разбира нашата понова историја, што можев да го видам за време на претходните, многу важни разговори со него“, заклучи хрватскиот претседател.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.