Министерството за здравство вчера соопшти дека кинеските вакцини „Синофарм“ наместо во 5 часот изутрина, ќе пристигнат два часа подоцна, односно во 7 часот.

Во земјава треба се очекуваат вкупно 200.000 вакцини „Синофарм“ купени во директни преговори со производителот.

По тој повод, пред поликлиниката „Јане Сандански“ најавено е обраќање на министерот за здравство Венко Филипче и амбасадорот на Народна Република Кина, Џанг Ѕуо.

Од Министерството посочуваат дека вакцините се купени во директни преговори со производителот.

Светската здравствена организација најави дека планира наскоро да донесе одлука за итно одобрување на кинески вакцини против ковид-19 на „Синофарм“ и „Синовак“.