Директорот на Центарот за управување со кризи, Стојанче Ангелов, рано утрово го посети Секторот 112 во Центарот за управување со кризи.

Во петокот, 11.02.2022, денот кога бројот за итни повици 112 беше пуштен во употреба имало околу 600 повици, а во сабота (12.02.2022) околу 430. Во текот на ноќва до 08.00 часот се примени 76 повика, велат од ЦУК.

Од страна на дежурниот сменоводител и примателите на итни повици беше запознат со тековната работа, како и со почетните проблеми со коишто се соочува новиот Сектор 112, додаваат од ЦУК.

Македонските граѓани во итен случај со вртење на бројот 112, во најкраток можен рок ги добиваат услугите на полицијата, итната медицинска помош или противпожарната бригада, од каде било во државата.