Македонија доби пофалби за напредокот во спроведувањето на договорот за името на состанокот на министрите за надворешни работи на земјите членки на НАТО во Брисел.

Министрите за надворешни работи од Алијансата и земјите од регионов и генералниот секретар Јенс Столтенберг оцени дека стабилноста и сигурноста на Западен Балкан е од големо значење за НАТО.

Безбедноста и стабилноста на Западен Балкан е од голема важност за НАТО и имаме силна врска со сите земји од регионот. Го поздравувам тековниот напредок во Скопје за спроведување на Договорот за името и ја очекувам можноста да им посакам добредојде како 30-та членка на НАТО штом ќе завршат домашните процедури. – изјави Столтенберг.

Министерот за надворешни Никола Димитров по средбите во НАТО порача дека се очекува Македонија да стане полноправна членка на пролет 2020 и дека членството ќе значи гаранција за нејзините сегашни граници.

Од 1993 година кажавме дека сакаме да бидеме дел од НАТО, со првата декларација од Собранието на РМ, требаше да влеземе во 2008. Поминаа 10 години. Конечно го отстранивме проблемот и ја надминуваме разликата со Грција околу името, и тоа е важно за Македонија, за Алијансата и за регионот. – изјави Димитров.

За нас членството во НАТО значи дека Македонсја е тука да остане, во овие граници, додаде министерот.

Македонија, според дипломатите во НАТО, е „успешната приказна“ во регионот, и доколку процесот околу Преспанскиот договор се одвива непречено, се очекува земјата да стане триесетта членка на Алијансата во 2020.

Трагично е што земјите членки на НАТО се сврзани во воен сојуз кој ги обединува при евентуален напад од трета воена сила која не е поврзана со НАТО но не ги регулира меѓусебните односи, така да Македонија е опкружена со три држави членки на НАТО, Албанија, Грција и Бугарија, со што останува само да се браниме од соседна воено неутрална Србија.