Како што објавуваат медиумите на албански јазик во Македонија, пратеник на ДУИ со огнено оружје вечерва си го ранил синот.
Како што известува „Лајм“ несреќата се случила за време на свадбена веселба, кога функционерот на ДУИ пукал без никаква намера да го повреди синот.
Инцидент се случил во вечерните часови, а според извори на АЛСАТ, еден од повредените се здобил со потешки рани од куршуми и истиот е однесен во клиниките во Скопје, додека вториот ранет е вон животна опасност и е задржан во болницата во Тетово, со полесни повреди.
Полицијата пристигнала на местото на настанот и го истражува случајот. АЛСАТ дознава од извори дека едниот од повредените е син на пратеникот Џеват Адеми, Ф.А додека вториот повреден, А.Б, е исто роднина на пратеникот. Сè уште не се знае кој пукал, бидејќи изворите зборуваат за истрели од повеќе лица во исто време за време на свадбената церемонија.
Нивните извори се уште не го откриваат идентитетот на пратеникот од ДУИ, туку само неговите иницијали Џ.А.
За сега не позната здравствената состојба на повреденото лице, а од полицијата се уште го немаат потврдено инцидентот. Потетални информации за несреќниот случај се очекуваат наскоро.
Полицијата апелира до граѓаните да се воздржат од пукање на свадби и други семејни свечености и потсетува дека пукањето претставува нарушување на јавниот ред и мир, а користењето на огнено оружје на овие свечености, исто така, може да резултира и со многу посериозни последици.
За ваквиот прекршок е предвидена казна од 200 до 500 евра во денарска противвредност.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.