Доцна попладнево на магистралниот пат Охрид – Кичево, во близина на село Ботун се случи тешка сообраќајна несреќа.
Патничко моторно возило Мерцедес со странски регистарски таблички директно се судрило со тешко товарно возило, исто така со странски регистарски таблички, објави Ohrid News.
Од силината на ударот патничкото возило се препречило на десната коловозна лента, по што на него налетало друго патничко возило.
На местото на настанот се наоѓаат медицински екипи, и екипи на сообраќајната полиција.
Наскоро се очекуваат повеќе информации за незгодата.
Исто така на 10.2 на крстосницата од регионалниот пат Делчево – Берово и ул„Јулија Веселинска“ во Пехчево, се случил сообраќајна незгода помеѓу патничко возило „фолксваген голф“, со беровски регистарски ознаки, управувано од Љ.П.(43) од Пехчево и патничко возило „сеат леон“, со беровски регистарски ознаки, управувано од А.С.(28) од Пехчево.
Во незгодата, со тешки телесни повреди се здобила Е.П.(76) од Пехчево, сопатничка во возилото „фолксваген голф“ и била пренесена во Клиничка болница Штип за укажување на лекарска помош.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.