Нема ништо поубаво во есен од мирисот на печена јаболка со мед и цимет.Секако јаболкото е едно од најпопуларните овошја кога станува збор за диетите, бидејќи се препорачува за намалување на килограмите.

Како што би препорачале и нутриционистите јаболката е најдобро да ја консумирате свежа но може да направите превкусен и лесен есенски десерт од нив.

Јаболкото има и до 40 отсто витамин Ц, а ги содржи и витамините А, Е, Б1, Б2, Б6 и бета каротен. Содржи и минерали како калиум, калциум, фосфор и железо.

Јаболкото содржи и шеќери, органски киселини, во многу мали количини и сите есенцијални и неесенцијални аминокиселини, арома и боја. Тие се богат извор на полифенол кој е корисен за организмот.

Се препорачува доколку имате пролем со надуеност неколку недели три пати во неделата да јадете по едно кисело јаболко, еден до два часа пред или после јадење.

За подобро варење – редовно јадење печени или готвени јаболка или компот од јаболко, посебно во зимскиот период.

Пробајте го лесниот рецепт за печени јаболка со мед и ореви:

Состојки:

5 јаболка

500 гр. ореви

6 лажици мед

Начин на подготовка:

Смелете ги оревите и промешајте ги со мед. Излупете ги јаболката, направете отвор во срединаta и сипете ја смесата. Печете ги на 200 степени околу 20 минути. На крајот, украсете со мед и ореви.